I LÛCS DAL CINE

CINE: AE SERADE CEC "I LÛCS DAL CINE" DI GABERSCEK

Udin, ai 14 di Dicembar - La serade di premiazion de novesime edizion dal Concors par Tescj Cinematografics in Lenghe Furlane si davuelzarà ai 18 di Dicembar, aes 8 di sere, li dal Visionario di Udin. La manifestazion e jentre inte suaze dal Progjet Cine e je organizade dal CEC - Centro Espressioni Cinematografiche di Udin, cul contribût de ARLeF - Agjenzie Regjonâl pe Lenghe Furlane, de Provincie di Udin e dal Comun di Udin. Vie pe serade, dongje de presentazion dal numar 11 de riviste Segnâi di lûs li che al sarà publicât un dai tescj vincidôrs, al sarà presentât il libri di Carlo Gaberscek I lûcs dal cine / I luoghi del cinema / Kraji filma. Il libri, publicât in trê lenghis (furlan, talian, sloven) al è il risultât di une ricercje puntiliose e paziente sui lûcs dal Friûl, di Triest, de Slovenie, dongje di chei de Istrie e de Dalmazie, li che a son stâts zirâts films di finzion in chescj ultins 60 e passe agns. Opare uniche intal so gjenar, il libri di Gaberscek al da la pussibilitât ai passionâts di vê une panoramiche complete sul argoment des localizazions e su lis oparis (cinematografichis e televisivis) che a son stadis ziradis in chei puescj. La publicazion e je stade metude adun in colaborazion tra CEC - Centro Espressioni Cinematografiche di Udin e Associazione Uno - Festival I Mille Occhi di Triest.  ARC/EP

http://www.regione.fvg.it/rafvg/comunicati/multilingua.act?dir=/rafvg/cms/RAFVG/notiziedallagiunta/furlan/